تبلیغات
◄███▓▒░░ -[ Xatirələr durağı ]- ░░▒▓███► - حیاتین ایلك و سون آنلامی سئوگی‌دیر

خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

حیاتین ایلك و سون آنلامی سئوگی‌دیر

یازار yazar :admin
تاریخ:1393/11/3-00:25

رعنا خانیم زارع ایله بیر چایلیق صؤحبت

رعنا زارع: حیاتین ایلك و سون آنلامی سئوگی‌دیر

دانیشیق آپاران: حسین واحدی


1367بایرام درگی‌سی- –جی گونش ایلینین آبان [قیروو] آییندا، قارلی بیرگونده، قوجامان تبریزده دونیایا گؤز آچدی. عائله‌نین 5جی اوشاغی اولوب, سس‌سیز بیر اوشاقلیق عالمینده بویا-باشا چاتماغا آددیم آتدی. اؤزو دئییر:

" اوشاق اولا بیلمه‌دیم چوخ. اؤزومدن بیر تصویر یادیمدا قالسا اوشاقلیقدان، اودا كیپریك چالمادان باخماق، سوسماق اولدو".

شعری، یاشاییشی عشق‌ ایله برابر بیله‌ن شاعر، گؤزل بیر دوشونجه‌لر ایله شعرلرینی دیلیمیزه اتحاف ائدیر. بیر چایلیق صؤحبتیمیز اولوب عزیز شاعره‌میز رعنا خانیم زارع ایله بویورون اوخویون.

1.‌ شعره نئجه باشلادینیز؟

دئمك اولار شعر منی باشلاتدی و بیر زامان گؤردوم یازیرام. پیس یاخشی یادیمدا دئییل، یازماغیم یادیما گلیر آنجاق. سونرا منی شعر بؤیودوب اولوب ایندی.

2. هانسی شاعیرلر، مکتب‌لر سیزده تاثیر قویوب؟

ذاتاً، فیكریمجه هر تورك یازار یا شاعیرین یولو اؤنجه شهریاردان كئچیب. هر شعری اوخویارام، آنجاق واسواسیم وار شعیر سئومكده. محمدرضا لوایی منجه تام منیم شعر آنلامیمین یاخشی اؤرنه‌یی دی. سهراب، نیما و اخوان، بونلار بئینیمی بسله‌ین شاعیرلر اولوب‌لار ایللرجه. ایندیسه اوره‌ك اوخشایان هر شاعری سئویرم.

3.  شعرده نه‌یین دالیسیجاسینیز؟

شعرده تام ال‌له لمس ائده بیلن قونولار، اؤرنه‌یین یوخسوللوق، زوراكی باش اه‌یمك‌، دینمه‌مك، بشرین روح آزادلیغی كیمی قونولار منی ماراقلاندیریر و چالیشیرام شعرلریم هامی‌نین گؤروب و لمس ائده بیلدییی فضالاری یارادیب سونام.

4. سیزجه شعر، شاعری یاشادیر یوخسا شاعر، شعری؟

البته كی شعردیر شاعیری یاشادان، اینسانلیغا یاخینلادان و اونو دورولاندیران!

5. سیزین شعرلرینیزده کیملیک موضوع‌لاری داها چوخ گؤزه ده‌ییر، بودا سیزین سئویملی اولدوغونوزدا تاثیر قویور بونو نئجه ده‌یرلندیریرسینیز؟

هرنه چكیریك كیملیكدن دی.بیلمیرم یقین بو درد تام بیزیم دردیمیزدیر. اینسان جالیب بیر وارلیق‌دیر. دردین ائشیتدیكجه اوره‌یی دورولار سانكی!

6. شعر احوال روحیه‌سی ایله یاشاماق عادی یاشاییشینیزدا نئجه گؤرونور؟ یاخینلارینیزین عکس‌العملی نئجه‌دیر؟

شعرله یاشاماق بیراز چتیندی. شاعرلیك اینسانی الینده فیرفیرا كیمی اوینادیر! و گاهدان سئویملی، گاهدان دا سئویمسیز اینسانا چئویریر منی. تئز اوزولوب تئز اؤز تكلیییمه سیغیشارام،  بودا چوخراق چئورمده‌كی لری سینسیدر. البته توفاندان سونرا گه‌لن مهریبانچیلیغیم یاخشی دردیمه ده‌ییر ، منی باغیشلاماقدان باشقا یوللاری یوخ!

7. شعرلرینیزین ایلک ائشیده‌نی کیم اولور؟ خوشلاماسا همن شعری یاییرسینیز یوخسا سیلیب پوزورسونوز؟

شعرلریمی دوغال اولاراق حیات یولداشیم ائشیدر، سئومه‌سه قاشین آتار گؤیه، همن منده سیلیب آتارام. سئوسه باشین توغلایار بیله‌رم سئودی و ا و شعر منله قالار.

8. ادبی چالیشمالارینیزدان بویورون.

91جی ایلده "بیر كامیون قورخو" آدلی كیتابیم ایشیق اوزو گؤردو. چوخراق درگی‌لرده میثال آفتاب آذربایجانین نئچه ساییسیندا، اولدوز درگی‌سی، باكی‌نین قزئته‌سینده، اورمونون آغری قزئتینده چاپ اولموش شعرلریم واردیر و بیر ایكی دانیشیق و احوالات اولوب.

9. منه ائله گلیر شعرسیز رعنا خانیمی تصور ائتمک اولماز؟ بونا گؤره فیکیرینیز نه‌دیر؟

شعیرسیز بیر رعنا... یوخ، اولاماز، اولماییب بیلیرم‌ده اولاماز. دئدیم قاباقجا شعیردیر رعنانی رعنا ائدن، یاشادان.

10. گله‌جک ایشلرینیزدن بیرآز آچیقلایین؟

ایكینجی كیتابیم مجوز یولوندادی. اومودوم وار یاخین زاماندا اوخوجولارین الینه چاتا. سئویلدیكجه یازماغا دوام ائده‌جه‌یم سئویلمه‌سه تامام، عناد ائتمه‌م.

11. بو سؤزلری آچیقلایین:

رعنا زارع؟

سئوگی دولو...

 آذربایجان؟

اؤلومسوز...

قوجامان تبریز؟

تبریز ... تبریز ... سؤزجوکلر آزدی...

اورمو گؤلو؟

گؤز یاشی...

آنا ایله آتا؟

نیسگیل...

 آنا دیلی؟

اوره‌ک آغریسی

شهریار؟

دوشونجه...

 موسیقی؟

روحون لای-لایی

20. سون سؤزونوز؟

حیاتین ایلك و سون آنلامی، سئوگی‌دیر. هرنه‌یه آد وئرن، معنالاندیران، سئوگی‌دیر. سئوگی‌لریمیزدن گؤز اولماساق، اوچوب گئدر قاییدماز یوللارا. اورمو گؤلو كیمی...  ساغ اولون مینت‌دارام بوتون اوخوجولاریما.

قایناق:

بایرام درگی‌سی، 51جی سایی – زنجان – 1393 قیش



یازی تورو : دانیشیق 

گؤندر - کلوب‌دات‌کام
باخیش‌لار() 
گروه پروانه
1394/05/4 22:58
با سلام خدمت مدیر محترم وبلاگ
گروه پروانه برای افزایش بازدید وبلاگ شما اقدام به ارسال پیام به وبلاگها میکند.
اگر میخواید بازدید وبلاگتون افزایش پیدا کنه به ما سری بزنید.
موفق باشید!
کتاب آموزش مسائل جنسی و زناشویی برای اولین بار کاملا تصویری و عکسهای واقعی
1393/12/10 00:03
به دنبال درخواست عده زیادی از متقاضیان قیمت کتاب به 2000 تومان کاهش داده شد
فقط برای چند روز
فرصت را از دست ندهید
برای خرید به همین آدرس بروید
دالغالی آراز
1393/11/19 12:21
سلاملار وسایقیلار.
لذت آلدیم. اللره ساغلیق
داها ائله بیل یاددان چئخمیشام
جاواب admin : سلام ده‌یرلی یولداش

باش چکیب باخیشینیزی یازدیغینیز اوچون تشککور ائدیرم.

اوغورلار
هه‌ورامان هانه‌به‌رچه‌م
1393/11/17 09:40
سلام؛نگارش ومتن زیبای ادبیتان ستودنی است .
سلام دوست فرهیخته منتظرحضورتان هستیم.

س
جاواب admin : سلام جناب محمدنژاد عزیز
ممنون از حضور پرمهرتان
رضا همراز
1393/11/9 22:47
سیزه و احساسلی شاعیره میزه جان ساغلاملیغی ایله آخار طبع
جاواب admin :
توركجه طنزلر
1393/11/9 19:27
اللرینیز آغریماسین واحدی جنابلاری من ایندیه رعنازارعین آدین ائشیتمیشدیم
جاواب admin :
azam
1393/11/9 09:17
گوزل بیر دانیشیق و ودئیرلی بیر اینسان وار اولون سئویندیم
رعنیا دا اورک دولو سئوگی و سایقیلا گونو گوننن آرتیق اوغورلار آرزی ائدیرم
بیر آرزیم دا وار اودا اؤز توپراقلاریمیز دا اؤز دیلیمیزده یازیب پوزماق ....
جاواب admin :
توحید
1393/11/7 11:21
سلام‌لار
ده‌یرلی واحدی جنابلاری

ایه اسکریپت کد ایسترسن،بیر تحفه اوچون دوزلدریخ.
یولوزو گؤزلویوروخ
جاواب admin : سلام ... چوخ ساغ اولون توحید بی
رعنازارع
1393/11/4 00:38
ساغ اولون.مینت دارام.زحمتیزه امه ییزه ساغلیق.یولونوز حایات بویو آچیق اولسون
جاواب admin : سلاملار ده‌یرلی رعنا خانیم. سیزه باشاریلار آرزولاییرام
مسعود اسلامی
1393/11/3 20:56
سایین حسین بئی گنج شاعیریمیز رعنا زارع ایله آپاریلمیش دانیشیق اوریه ایله شن سؤزلردیلر.و شاعیره میزدن قیسا تانیتیم داها گؤزلدی. ساغ قالین.
جاواب admin : سلام... محبت‌ینیز وار اولسون عزیز مسعود بی.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


Related Posts Plugin for WordPress, Blogger...