تبلیغات
◄███▓▒░░ -[ Xatirələr durağı ]- ░░▒▓███► - هر گون اورمو گؤلونه باش چکرم

خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

هر گون اورمو گؤلونه باش چکرم

یازار yazar :admin
تاریخ:1393/09/25-10:06

اورمو گؤلونون ساحیلینده یاشایان بالاجا امیرحسین:
هر گون اورمو گؤلونه باش چکرم
دانیشیق و شکیللر: حسین واحدی
 

اورمیه اهالیسی ایللر بویو اورمو گؤلو ایله خاطیره‌لر یارادیب‌لار. داریخاندا، شنلیک‌لرده، ایستی یایین الیندن قاچاندا هئچ یئرده اولماسا چوخونا اورمو گؤلو وار ایدی.

 

  

 

اوروم نیوز، اورمیه اهالیسی ایللر بویو اورمو گؤلو ایله خاطیره‌لر یارادیب‌لار. داریخاندا، شنلیک‌لرده، ایستی یایین الیندن قاچاندا هئچ یئرده اولماسا چوخونا اورمو گؤلو وار ایدی.

نه قدر ده دئییلسه اورمو گؤلو دوزلمز، فیلان اولار بئهمان اولار آذربایجان اهالیسی قبول ائتمیر. جمعه اولاندا بعضی اورمولولار هله ده اورمو گؤلونون ساحیلینه قوناق گئدیب ده‌یرلی چاغلارینی اونلا پایلاشیرلار.

اورمو گؤلونون ساحیلینده دولانارکن آلتی اوخویان امیرحسین ایله اوز-اوزه گلدیم. بالاجا کوچوغو ایله اورمو گؤلوندن ساحیله ساری گلیردی. بیر چایلیق صؤحبتیم بو بالاجا اوغلان ایله بیر بهانه اولدو بیرداها اورمو گؤلو اوچون داریخام، دالغالی سولارینی گؤزله‌یم و انتظار چکم او خوش گونلرین قاییتماسینی.

چوخ بالاجا گولمان کندینده یاشایان امیرحسین تک باشینا قورخماز بیر آسلان کیمی گولمان ساحیلینده گؤلون خئیلاق ایچینه ساری گئتمیشدی. ماراقلی، دیللی-باشلی و انرژیلی بیر اوشاق ایدی. اومید ائدیرم بالاجا بیر صحبتیم سیزین اوچون ده ماراقلی اولسون.

-‌ هارادان گلیرسن بوجور چومورلو؟

-‌ دریادان گلیرم...

- قورخموسان تک باشینا؟

- تک دئییلم رئکس ده (بالاجا ایتینه دئییردی رئکس) منیم له گلر...

- گؤلده بیرزاد یوخدو نییه گئدیرسن؟

- یوخ بیرآز سو گلیب گئتمیشدیم باخام. هرگون گئدرم. اورادا رئکس ایله اوینارام.

- رئکسی چوخ سئویرسن؟

- همیشه رئکس ایله‌یم. باخ اوشویور. (بونو دئییر سونرا رئکسین آیاقلارینی زور ایله سوخور یاغمورلوغون قاباق جیبینه)

- دریانی دا (اورمو گؤلونه عادت اوزو ایله هامیمیز دریا دئییریک) رئکس کیمی سئویرسن؟

- هن چوخ خوشوم گلیر آما حئییف قورویور...

- اولسون دوعا ائله بیرگون یئنه دوزلر!

- آللاه ائله‌سین. چوخ خوش اولار. آتام دئییر اوندا هامی گلر بورا. بیزده کؤچوب گئتمه‌ریک.

- کندین اوشاقلاری درسه هارا گئدیر؟

- گئدیریک‌ گولمان شهرجییینده اولان مدرسه‌یه.

- امیرحسین دانیشیغیمیزدان سئویندیم. دریادان گؤز اول.

- ساغ اولون. (دوزلو قیافه‌سی ایله گولور و سونرادا ساغوللاشیر)



یازی تورو : دانیشیق 
بنزر یازیلار: بو دانیشیق اوروم نیوز-دا 

گؤندر - کلوب‌دات‌کام
یوروم یاز() 
رضا - اوزان
1393/11/10 21:06
یورولمویاسیز ، ساغ اولون که بئله بیر صایفا آچیب سیز و بو یولدا چالیشیرسینیز . بیر شعیر اورمو گولونه گوره یازمیشدیم . سیزین بو یازدیقلارینیزی گوردوم هوس لندیم که سیزه اولاری گونده ره م . نه بیلیم بلکی سیزین ده خوشونوزا گئتدی :

اورمی گوله

اورمو گولو قالدین سس سیز صداسیز
اوجا اوجا ، دالغالارین نئجه اولدی
بئجرمیشدین یاشیل یاشیل باغلاری
سوروشان یوخ او باغلارین نئجه اولدی
زنبیل داغی قارتال کیمین باخاندا
بولاخلاردان شیرین سولار آخاندا
شیمشک ووروب ایلدیریملار شاخاندا
گوزه ل گوزه ل گولماخلارین نئجه اولدی ،
چات چات اولوب سوسوز قالان دوداخلار
قورویوب دی سنده ن آخان بولاخلار
یایدا گه لیب بوردا قالان قوناخلار
سوروشان یوخ ، قوناخلارین نئجه اولدو
قویون داغین اوولاغ ایدی ترلانا
یایی لاردی اوردا قوزی یان یانا
لله کوچدی یوردی قالدی وئرانا
یاشیل باشلی سونا لارین نئجه اولدی
دریامیزا اولدوز آغلار آی آغلار
اوزان یازار قلم آغلار آی آغلار
کور اولایدیم قلم الوسون ایاغلار
قاطار قاطار دورنالارین نئجه اولدی
گورمیه یدیم دورنالارین نئجه اولدی
پلیکانلار پخلن قوشی دورنالار
هامی کوچوب یرده قالیب قارقالار
قیش دا گلر بوگون صاباح قار قالار
سنین گوزه ل اوولاخ لارین نئجه اولدی
جاواب admin : سلام. چوخ ساغ اولون عزیز اوستاد
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


Related Posts Plugin for WordPress, Blogger...