تبلیغات
◄███▓▒░░ -[ Xatirələr durağı ]- ░░▒▓███► - غریبه حیکایه/حیکایه‌جیک

خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

غریبه حیکایه/حیکایه‌جیک

یازار yazar :admin
تاریخ:1393/09/20-17:46

غریبه حیکایه

یازار: او. هئنری

کؤچورن: حسین واحدی


آوستی‌نین شیمالیندا بیر واخت‌لار ناموس‌لو بیر سمودئرس[Smoders] عائله‌سی یاشاییردی. جون سمودئرسین عائله‌سی آروادین‌دان، بئش یاشین‌داکی بالاجا قیزین‌دان و اونون والیدئین‌لرین‌دن عبارت ایدی. کندین رسمی سیاهی‌یا آلماسیندا[باش ساییمیندا/سرشماری] عائله آلتی نفردن عبارت اولسا دا، اصلینده اونلار اوچ نفر ایدی‌لر.

بیر آخشام شام یئمه‌یین‌دن سونرا بالاجا قیز شدت‌لی معده سانجیسییلا قیوریلماغا باشلادی. جون سمودئرس واخت ایتیرمه‌دن ائودن چیخیب کنده درمان آلماغا گئتدی. آما او، بیر ده هئچ واخت گئری قاییتمادی.

بالاجا قیز بیر مدت کئچن‌دن سونرا ساغالدی، سونرا دا بؤیویوب گؤزل گنج قادین اولدو. آنا ایللرله یوخا چیخان اری اوچون چوخلو گؤز یاشی تؤکدو. آما اوچ آی بوندان اول عائله قوروب سان-آنتونیو کندینده یئرلشدی. بیر مدت سونرا بالاجا قیز دا عائله قوردو و آرا‌دان ایللر کئچدیک‌دن سونرا بالاجا قیزین دا قیزی دونیایا گلیب بئش یاشینا چاتدی. گنج قادین ایسه هله ده آتاسی‌نین اونلاری ترک ائدیب و بیر ده هئچ واخت گئری قاییتمادیغی ائوده یاشاییردی.

بیر گئجه قریبه[غریبه] بیر حادثه باش وئردی. ایللر اؤنجه جون سمودئرسین یوخا چیخدیغی گئجه‌دکی کیمی گنج قادینین بالاجا قیزی معده سانجیلارییلا قیوریلماغا باشلادی. اگر جون سمودئرس یاشاییردیسا دئمه‌لی، او، نوه صاحبی ده اولموشدو. جون سمیت (گنج قادینین اری) آروادینا «موطلق کنده گئدیب بالاجا قیزیما درمان آلمالییام» دئدی. آروادی «یوخ، یوخ، جون گئتمه. بلکه، سن ده ائوه قاییتماغی اونودوب ابدی یوخا چیخارسان»، دئیه اری‌نین گئتمیینه اعتراض ائله‌دی.

بئله‌جه جون سمیت بالاجا قیزی اوچون درمان آلماغا گئتمه‌دی. او، آروادییلا بیرلیکده گلیب بالاجا پئنزی‌نین (بالاجا قیزین آدی پئنزیدی) باشی اوستونده دایاندی‌لار. بیر مدت سونرا پئنزی‌نین حالی لاپ پیس‌لشدی. جون سمیت تکرار بالاجا قیزی اوچون درمان آلماغا گئتمک ایسته‌دی، آما آروادی یئنه ده اونا مانع اولدو. ائله بو واخت بیردن-بیره ائوین قاپی‌سی آچیلدی و هاردانسا گلمیش اوزون و آغ ساچ-ساققال‌لی، دونقار[کؤشک‌لی]، یاشلی بیر قوجا کیشی بئلی بوکولموش وضعیتده ایچرییه گیردی.

پئنزی قوجا کیشینی «خوش گؤردوک، بابا» دئیه سلاملادی. بالاجا قیز یاشلی آدامی او بیری‌لرین‌دن اول تانیمیشدی. قوجا کیشی جیبین‌دن تئز درمان شوشه‌سینی چیخاردا‌راق پئنزی‌یه بیر قاشیق سیروپ[شربت] ایچیرتدی. بالاجا قیزین وضعیتی درحال یاخشی‌لاشدی و او ساغالدی. جون سمودئرس «تراموایی گؤزلدیییم اوچون بیر آز گئجیکدیم» دئدی.

چئویردی: سید رامین

یازی تورو : اؤیكو (حیكایه) 

گؤندر - کلوب‌دات‌کام
یوروم یاز () 
səhər
1393/09/26 08:36
verdiyiniz əməklərə sağlıq
min yaşayın qardaşım
جاواب admin : Salamlar
Çox sağ olun hörmətli Səhər xanım
عیسی مجیدی
1393/09/22 17:27
عزیز دوستوم حسین واحدی
چوخ گؤزل یازی ایدی
ساغ اولون
وار اولون
جاواب admin : سلاملار. چوخ ساغ اولون عزیز عیسی بی
تبریز ویکی لینکلر - tabrizlinks
1393/09/22 15:01
سلام

ساقولون گؤزل یازی و حیکایه
بیراز تورکی اوخوماق زور آپاریر آما گئلک تمرین اولا حیف بیزلری آنا دیلدن اوزاخ سالدیلار!
جاواب admin : سلاملار. تشککور ائدیرم.
azam
1393/09/21 20:43
اولدوقجا ائشیدملی بیر حکایه
چوخ ساغ اولون
جاواب admin : تشککور ائدیرم
1393/09/21 15:12
سایین حسین بئی
قیسا آنجاق شاشیردیجی بیر اؤیکواوخودوم. چالیشمالارینیزآلقیشلارالاییق دیر. یاشایین.
جاواب admin : سلاملار عزیز قارداش (اسلامی بی)
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


Related Posts Plugin for WordPress, Blogger...