تبلیغات
◄███▓▒░░ -[ Xatirələr durağı ]- ░░▒▓███► - موری/ حیکایه‌جیک

خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

موری/ حیکایه‌جیک

یازار yazar :admin
تاریخ:1393/07/26-17:29

موری

یازارروبرت والزر

چئویرنحسین واحدی

گونلرین بیر گونو، بیر کیشی وارییدی "موری" آدیندا. پالتارلاری همیشه دوزنلی[مرتب] اولان بیر کیشی ایدی. البته بؤرکو بیرآز کؤهنه‌ و بوزارمیش گؤرونوردو. آما موری‌نین اصیل قیافه‌سی چوخ جدی اولماسیندایدی. اؤزونه چوخ جدی بیر قیافه توتوردو، ائله باخیری ائله‌بیل ایندی اؤلمه‌لی ایدی. باشقالارینا حیاتین اؤنونده بئله بیر قیافه توتان آداملار، سئویلمزلر. موری دئمک اولار اورتاعصرین پهلوانلارینا اوخشاییردی، بیر قولدور کیمی ایدی. دوشونجه‌لی گؤرونوردو، دوشونجه‌لی گؤرونن آداملار دا اوره‌یه‌یاتان دئییل. خالق[ائل/جاماعات] بئله قاتل سانیلان آداملارین الیندن قاچارلار. یاخشی اینسانلارین ان دوشونجه‌لیسی خاچا[صلیبه] چکیلیب، خاچ اوزه‌رینده ایسه اورک‌یاخان اؤلوم ایله جان وئردی. 

موری خوش‌قلب ایدی، هم یاخشی آدام ایدی همده باش‌آشاغی ایدی، فقط حددن آرتیق جدی ایدی. خالق ائله قورخو ایله اونا باخیردیلار ائله‌بیل باشلارینا بیر بلا گتیرمه‌یی گؤزله‌ییردیلر. آما موری مردیم‌آزار[مردم‌آزار] دئییل‌دی، فقط جدی ایدی. شنگول اولوب گوله بیلمیردی. شوخلوق[ظارافات]دا ائده بیلمیردی. ائله بوکی بیر کیمسه شاد اولماییب حیاتی جدی توتا، ائل‌ین[خلق‌ین] گؤزونده آزجا شوبهه‌لی گؤرونمه‌یه یئترلیدی. موری خالقین هامیسینا چوخ جدی، قورخولو و ‌شک‌لی باخیردی. 


انایین[عجیب و غریب/Ənayın] و چیلغین[مجنون] کیشی ایدی، آما خالق[ائل/جاماعات] ایسته‌ییردیلر ساکیت و دینج بیر کیشیاولسون. عجاییب جدی و ایری[İri] گؤزلری وار. وای دده‌م، منی قورخودور. هامی موری‌نین الیندن قاچیردیلار. هئچ کیمسئومیری موری گئت-گه‌ل ائدن یئره گئت-گه‌ل ائتسین. هارادا تاپیلسایدی اورانی سس‌سیزلیک بورویه‌ردی. خالق، قبریستانلیغاتای اوندان اینانیلماز قورخوردولار.

بیرگون موری، ائلما آدیندا بیر قیزین یانینا گئدیب سوروشدو:

-‌ منی سئویرسن؟

ائما چوخ گؤزل و یاخشی بیر قیز ایدی. آما موری‌نین دردینه ده‌یمز ایدی. دئدی:

-‌ من سندن قورخورام. سن چوخ جدی‌سن. گوله بیلمیسن، داورانیش‌لارین دا باشقا اینسانلار کیمی دئییل. سنی سئومیرم و ایستیرمتئز مندن ال چکیب گئده‌سن.

موری‌نین اوره‌یی وصفه گلمه‌ین بیر کدره باتیب گئتدی. هارا گئده‌جه‌یینی دوز بیلمه‌ییردی. اؤلومه دوغر وگئتمک اونو آلتینا آلیببوینو بوکولدو. – حیاتدان یورولوبسان موری؟ - هله یوخ. آما بیرزاد دا قالماییب.

ایندی موری ایش له پول فیکیرینده اولاجاغی اوچون بیر کیشی‌نین یانینا گئدیب ایسته‌دی اونا بیر بالاجا ایش وئرسین. موری جدیگؤزلری ایله کیشی‌یه باخدی کیشی ده اونا. سونرا کیشی اونا دئدی: "سندن خوشوم گلمیر. منیم دردیمه ده‌یمزسن، اوزگونم، بیرزاد ائتمک اولماز.، بویورون."

موری گئتدی و یازیق اوره‌یی کئچمیش‌دن داها چوخ اونا آغیرلیق ائله‌دی. دئمک اولار قلبی اونو یئره یاخیردی. سولقون ایلهیورقونلوغونا گؤره دوشوندو بیر مئهمانخانایا گئدیب گئجه‌نی اورادا قالسین. اؤزونه دئدی: " یاخشی ایتا بیلسم، اولا‌بیلر صوبححالیم یئرینه گلسین."

مئمانخاناچی جدی و عجاییب کیشی‌یه باخدی، هله دوزگون آلتدان-اوستدن گؤزدن کئچیرمه‌میش، الینی گئری قاییت کیمی ترپه‌دیبدئدی: "ایچه‌ری گلمه. هارادایدین اورا گئت. سولک‌لره اوخشورسان. هئچ سئومیرم سنله طرف اولام." و موری گئتمه‌لی ایدی.ایندی داها او دار دونیادا ان یازیق و ان شانس‌سیز کیشی ایدی. نه بیر سئوگی‌سی وارییدی نه ده گوونجی، نه چؤره‌یی نه ده پولو،نه ایشی نه ده امه‌یی، نه یئمه‌یی نه ده سیغیناجاغی، نه چؤره‌یی نه ده سویو، نه دینجلییی نه ده یاتماغا بیر یئری. دنیزه ساریگئتدی. گئجه یاریسی ایدی و هئچ بیر جانلیجا او یاخینلیقلاردا تاپیلمیردی. موری سویا یاخین اولدوغوندا، قایغی‌داش و مئهریبانسو قولاغینا زومزومه ائتدی:‌

 "گه‌ل یانیما، یازیق کیشی‌جیغیاز. من کؤورکلی[لطیف] و یوموشاغام، قوجاغیمدا اولدوغوندادینجلییین وار. من سئویرم سنی موری. من مئهریبانام و هر کیمسه یانیما گلسه داها هئچزاددان نیگران اولوب آجیمایاجاق وبوتون کدری-غمی سونا چاتاجاق. گه‌ل! گه‌ل!" موری ائله دوشوندو سو اونلا مئهریباندی و اؤزونو سویا ووردو.

***


آچیقلاما:

بو حیکایه،‌ فارسجایا چئویریلمیش "داستانک‌ها" کیتابیندان تورکجه‌یه چئوریلیب‌دیر. کیتاب آلمانجا حیکایه‌جیک توپلوسودور. فارسجایاچئویرنی: ناصر غیاثی. یایین ائوی: ثالث. ایکینجی چاپ 1389

روبرت والزر: Robert Walser

موری: آلمانجا: Möri


 




گؤندر - کلوب‌دات‌کام
یوروم یاز() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


Related Posts Plugin for WordPress, Blogger...