تبلیغات
◄███▓▒░░ -[ Xatirələr durağı ]- ░░▒▓███► - ویجدان/حیکایه‌جیک

خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

ویجدان/حیکایه‌جیک

یازار yazar :admin
تاریخ:1393/07/9-19:58

ویجدان

یازار: ایتالو کالوینو*

کؤچورن: حسین واحدی


محاربه باشلایاندا لویجی آدلی بیر آدام تاپیلمیشدی، کؤنول‌لو یازیلماق ایسته‌ییردی. هامی اونو تعریفله‌ییب گؤی‌لره قالد‌یریردی.

لویجی سلاح پایلانیلان یئره گئدیب بیرینی گؤتوروب دئدی: “ایندی گئدیب آلبئرتونو اؤلدوره‌جم”. اوندان آلبئرتونون کیم اولدوغونو سوروشدولار. “دوشمن‌دیر آلبئرتو، منیم دوشمنیم”، - دئیه جاواب وئردی. اونا ایستدییی هر آدامی اؤلدورمه‌یه ایجازه وئریلمه‌دییینی، یالنیز بللی دوشمن‌لری اؤلدورمه‌لی اولدوغونو باشا سالماق ایسته‌ینده، “نه‌دی؟!” دئییب بوزاردی: “سیز منی آخماقمی ساییرسیز؟ آلبئرتو ائله ان بؤیوک دوشمندی. اونلارا قارشی محاربه‌یه باشلادیغینیزی ائشیدنده، درحال سیزه قوشولما‌لی اولدوغومو دوشوندوم، چونکی یالنیز بو حالدا آلبئرتونو اؤلدوره بیلردیم. ائله بونا گؤره ایندی یانینیزدایام. اونو یاخشی تانیییرام، اجلافین، آلچاغین یئکه‌سی‌دیر. منله خاینجه‌سینه داوراندی، قادینین یانیندا اوزوقارا اولدوم، آلچالدیم... کؤهنه صحبتدی، ایسته‌ییرسیزسه سیزه دانیشیم”.

- ‌ یوخ، لازیم دئییل، سنی باشا دوشوروک، - یولداش‌لاری دئدی.

-  یاخشی، اوندا منه آلبئرتونون هاردا گیزلندییینی دئیین.

 - بیلمیریک.

-  عئیبی یوخ، اونون یئرینی بیلن بیرینی تاپارام. اونسوز دا اول-آخیر الیمه کئچه‌جک.

لویجی‌نین قاندیرماغا چالیشدی‌لار، بونو ائلمه‌یه ایختیاری یوخدور، هارا یوللاسا‌لار اورا گئتمه‌لی، یالنیز اورداکی‌لاری اؤلدورمه‌لی‌دیر. آلبئرتو حاقیندا ایسه هئچ کیمین بیلگیسی یوخویدو.

منه باخین”، - لویجی یئنه ایسرار ائله‌دی: “گؤرورم سیزه باش وئرن‌لری دانیشما‌لییام. بو آلبئرتو دوغرودان دا اوغراش[قورومساق] آدامدی، اونا قارشی دؤیوشمکله یاخشی ایش گؤرورسوز”.

اما یولداش‌لاری اونو دینلمک ایستمه‌دی. لویجی ده سؤز قانان آدام دئییلدی، دیرشدی: “عذر ایسته‌ییرم، هانسی دوشمنی اؤلدورمه‌ییم سیزین وئجینیزه اولمایا بیلر، آما آلبئرتونو یوخ، بیر باشقاسینی اؤلدورسم، چوخ پیس اولارام”.

یولداش‌لاری‌نین صبری توکندی. اونلاردان بیری لویجی‌یه محاربه‌نین نه اولدوغونو، کئفی ایستدییی آدامی اؤلدورمک ایختیاری‌نین اولمادیغینی اوزون-اوزون باشا سالدی.

لویجی اعتراض ائله‌دی: “ائله‌دیرسه، اوندا من یوخام!”

وارسان و اولا‌جاقسان!” یولداش‌لاری اوستونه قیشقیردی. “ایره‌لی مارش! بیر-ایکی، بیریکی...”، - بئله‌لیکله لویجی‌نی محاربه‌یه یوللادی‌لار.

خوشبخت دئییلدی لویجی، آلبئرتویا یا دا عائله‌سین‌دن کیمه‌سه توش گلر دئیه قاباغینا چیخانی گوللـه‌له‌ییردی. اؤلدوردویو هر آداما گؤره اونا مئدال وئریردی‌لر، آما لویجی یئنه ده خوشبخت اولا بیلمیردی. “اگر آلبئرتونو اؤلدوره بیلمه‌سم”، - دوشونوردو: “بو قدر آدامی بوش یئره اؤلدورموش اولاجام”. اؤزونو پیس حس ائدیردی. هله ده اونا چئشیت-چئشیت[نؤوبه‌نؤو] مئدال‌لار وئریردی‌لر قیزیل، گوموش...

لویجی گؤتور-قوی ائدیردی: “بو گون بیر-ایکی‌سینی اؤلدوره‌رم، صاباح بیر نئچه‌سینی، ان آخیردا سای‌لاری آزا‌لار و بو اجلافین دا نؤوبه‌سی موطلق گلیب چاتار”.

آما لویجی آلبئرتونو تاپا بیلمه‌میش دوشمن تسلیم اولدو.

لویجی هئچ نه‌دن او قدر اینسانی اؤلدوردویونه گؤره اؤزونو چوخ پیس حس ائدیردی. ایندی باریش[صولح] دؤورویدو. آلدیغی بوتون مئدال‌لاری چانتاسینا دولدوروب دوشمن اؤلکه‌ده اؤلن‌لرین آرواد-اوشاغینا، یاخین‌لارینا پایلاییردی. بئله گون‌لرین بیرینده آلبئرتویلا قارشی‌لاشدی. “هه، آخیر کی، الیمه کئچدین، گئج اولسون، گوج اولسون”، - دئییب آلبئرتونو اؤلدوردو. لویجی‌نی درحال حبس ائتدی‌لر. جینایتی ثبوتا یئتیریلدی و اونو اعدام ائله‌دیلر...

محکمه‌ده ویجدانی‌نین سسینی دینلدییینی دفعه‌لرله تکرار ائتمیشدیسه ده، هئچ کیم اونا اینانمامیشدی.

 

چئویردی: جاوید رمضان‌لی

* Italo calvino

یازی تورو : اؤیكو (حیكایه) 

گؤندر - کلوب‌دات‌کام
یوروم یاز() 
deniz
1393/07/13 17:40
دلیجه اسن سحر یئلی, ان گونشلی گونلر, ان پارلاق گئجه دیر بایراملار. اوره كلرده بیر اسینتی و باریش پایلاشیمینا ان ایستی "سلاملاردیر" بایراملار. قوربان بایرامینیز قوتلو, هر شئی گؤنلونوزجه اؤلسون

جاواب admin : سلاملار/قوربان بایرامی‌ سیزه ده مبارک اولسون.

اوغورلار
تبریز ویکی لینکلر - TabrizLinks
1393/07/13 16:30
سلام
قوربان بایرامیز موبارح اولسون...
جاواب admin : سلام/قوربان بایرامی‌ سیزه ده مبارک اولسون.

خزراوغلو
1393/07/13 00:05

اه‌سنلیکلر واحدی به‌ی؛
قوربان بایرامی سیزه و عائله‌نیزه و باشقا عزیزلره قوتلو اولسون.
جاواب admin : قوربان بایرامی‌ سیزه ده مبارک اولسون.

اوغورلار
هه‌ورامان هانه‌به‌رچه‌م
1393/07/11 09:43
سلام جناب آقای واحدی عزیز به پاس حضورودیدگاهتان ازشما بسیارسپاسگزاریم,عزیزدیارآذربایجان.
جاواب admin : سلام دوست عزیزم. همچنین سپاس از حضور حضرتعالی. خوشحال شدم
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


Related Posts Plugin for WordPress, Blogger...