تبلیغات
◄███▓▒░░ -[ Xatirələr durağı ]- ░░▒▓███► - تورگئنیئو‌ٰدن بیر حیکایه‌جیک

خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

تورگئنیئو‌ٰدن بیر حیکایه‌جیک

یازار yazar :admin
تاریخ:1393/06/31-18:47

 

سئرچه

یازار: ایوان تورگئنیئو‌*

کؤچورن: حسین واحدی

 

من اوودان قاییدیب، باغین خیابانی ایله گئدیردیم. ایت قاباقدا قاچیردی.

بیردن او، آددیم‌لارینی یاواشلادی و قوش دویموش کیمی یئره یاتیب گیزلینجه ایره‌لی یئریمه‌یه باشلادی.

خیاوانی دقتله سوزوب، دیمدیگی‌نین یانیندا سار‌یلیق و باشیندا قو توکو کیمی اولان کؤرپه بیر سئرچه گؤردوم. یووا‌دان دوشموشدو (کولک خیابانین توز آغاج‌لارینی برک ییرغالاییردی)، تزه‌جه چیخان قانادلارینی عاجز حالدا آچا‌راق حرکت‌سیز اوتورموشدو.

ایتیم یاواش-یاواش اونا یاخین‌لاشیردی. بیردن قارا دؤشلو قوجا سئرچه یاخین‌داکی آغاج‌دان داش کیمی قوپوب دوز ایتین قاباغینا دوشدو و توک‌لری پیرتلاشمیش، ائیبجرلشمیش بیر حالدا، اومیدسیزجه‌سینه و یازیق-یازیق جیویلده‌یه-جیویلده‌یه ایکی دفعه ایتین ایری دیش‌لی آچیق آغزینا طرف آتیلدی.

او خلاص ائتمه‌یه جومموشدو، او، اؤز بدنی ایله کؤرپه‌سینی قورویوردو... لاکین خیرداجا ووجودو بوسبوتون دهشت‌دن تیترییر، سسی جیرلاشیب خیریلداییردی. او طاقت‌دن دوشور، اؤزونو فدا وئریردی!

ایت اونا نئجه نهنگ بیر حئیوان کیمی گؤرونوردو، یقین! بونا باخمایا‌راق، او، اؤز اوجا تهلوکه‌سیز بوداغیندا اوتورا بیلممیشدی... ایراده‌سین‌دن قودرت‌لی اولان بیر قوه اونو بوداق‌دان قوپاریب یئره آتمیشدی.

"ترئزور"وم دایاندی، گئری چکیلدی... گؤرونور، بو گوجو او دا دویموشدو...

چاشمیش ایتی چاغیردیم و بؤیوک احترام حسی‌له اورا‌دان اوزاقلاشدیم.

بلی، گولمه‌یین. من او کیچیک، قهرمان قوشا، اونون محبت جوشقون‌لوغونا پرستیش ائدیردیم.

محبت اؤلوم‌دن و اؤلوم قورخوسون‌دان گوجلودور، - دئیه من فیکیرلشیردیم. حیات یالنیز سئوگی ایله اوجالیر و اوندان قوت آلیر.

 

چئویرن: جلال محمدوو

İvan Turgenyev *



"Sərçə"

yazar: İvan Turgenyev

 
Mən ovdan qayıdır, bağın xiyabanı ilə gedirdim. İt qabaqda qaçırdı. 
 
Birdən o, addımlarını yavaşladı və quş duymuş kimi yerə yatıb gizlincə irəli yeriməyə başladı. 
Xiyabanı diqqətlə süzüb, dimdiyinin yanında sarılıq və başında pərqu olan körpə bir sərçə gördüm. Yuvadan düşmüşdü (külək xiyabanın toz ağaclarını bərk yırğalayırdı), təzəcə çıxan qanadlarını aciz halda açaraq hərəkətsiz oturmuşdu. 
 
İtim yavaş-yavaş ona yaxınlaşırdı. Birdən qara döşlü qoca sərçə yaxındakı ağacdan daş kimi qopub düz itin qabağına düşdü və tükləri pırtlaşmış, eybəcərləşmiş bir halda, ümidsizcəsinə və yazıq-yazıq civildəyə-civildəyə iki dəfə itin iri dişli açıq ağzına tərəf atıldı. 
 
O xilas etməyə cummuşdu, o, öz bədəni ilə körpəsini qoruyurdu... Lakin xırdaca vücudu büsbütün dəhşətdən titrəyir, səsi cırlaşıb xırıldayırdı. O taqətdən düşür, özünü fəda verirdi!
 
İt ona necə nəhəng bir heyvan kimi görünürdü, yəqin! Buna baxmayaraq, o, öz uca təhlükəsiz budağında otura bilməmişdi... İradəsindən qüdrətli olan bir qüvvə onu budaqdan qoparıb yerə atmışdı.
Trezorum  dayandı, geri çəkildi... Görünür, bu qüvvəni o da duymuşdu...
 
Çaşmış iti çağırdım və böyük ehtiram hissilə oradan uzaqlaşdım.
Bəli, gülməyin. Mən o kiçik, qəhrəman quşa, onun  məhəbbət coşqunluğuna pərəstiş edirdim. 
Məhəbbət ölümdən və ölüm qorxusundan güclüdür, - deyə mən fikirləşirdim. Həyat yalnız sevgi ilə ucalır və ondan qüvvət alır. 
 
Tərcümə: Cəlal Məmmədov


یازی تورو : اؤیكو (حیكایه) 

گؤندر - کلوب‌دات‌کام
yorum yaz یوروم یاز() 
چیچست نیوز
1393/07/5 00:50
سلاملارسایقیلار وتشكورلر.جانیز ساغ وآرزی ائدیرم آلله یاردیجینیز اولسون.بیزی یاددان چیغادمایین. بیرگون ده بیزه بیر تازه مطلبی لازیم بیلدیز سایتیمزی مفتخر ائیلیین.خصوصا بلوگونوزدا بیر مطلبی مصلحت بیلدیز بیز ووراخ خبر ورسز افتخاریلان ووراریخ.
جاواب admin : تشککورلر عزیز همشهری‌لریم
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


Related Posts Plugin for WordPress, Blogger...