تبلیغات
◄███▓▒░░ -[ Xatirələr durağı ]- ░░▒▓███► - آی‌سیز گئجه‌ده قتل/ حیکایه

خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

آی‌سیز گئجه‌ده قتل/ حیکایه

یازار yazar :admin
تاریخ:1393/03/25-17:25

آی‌سیز گئجه‌ده قتل

یازان: حسین واحدی

اوچ یاشینداکی قیزینی سوبانین یانیندا دیله توتوب یاتیدان اختر، یوز ایل بوندان سونرادا دوشونمزدی کی ارینین قتل خبرینی پولیس ائوه گئجه ساعات 21:31 ده وئرسین.

دلیجه اوشاغی اویادیب، های- کوی سالا- سالا ائودن ائشیگه چیخدی. قاپی- قونشودا آدام قالمادی باییرا چیخماسین. کوچه‌نین قادینلاری اختری اووندورماق ایسته‌ییردیله‌ر. کیشه‌لر ایسه دؤوره‌له‌نیب 42 یاشلی احدین اؤلوموندن دانیشیردیلار:

باققال ممد: گؤره‌سن کیم اؤلدوروب؟

آل-وئرچی علی: هله بللی اولماز!

چولاق عمران: بئیناوا بیر خوش گون گؤرمه‌دی. کیرا داملاردا جانی چیخدی.

باققال ممد: یازیق آرواد- اوشاغی...آللاه هئچ کیمه‌ گؤرسه‌تمه‌سین...

اوز-اوزه‌ده اوچ مرتبه‌لی ائوین، ایکینجی مرتبه‌سینین پنجره‌سیندن باخان 58 یاشلی قوربان بو صحنه‌لره باخاراق باشین توولاییب اؤز- اؤزو ایله دئدی:

-‌ حامبال اوغلو حامبال آخیردا جزاسینا چاتدی، جاماعاتین جاوانلارین تیریاک ساتماق لا یازیق ائله میشدی.

بیرآزدان نئچه نفر آغ ساققال ایله اختر پولیس مرکزینه گئتدیلر.

قارا بولودلار آیین اؤنون کسمیشدیلر. هاوادان ایسه یاغیش ایی‌سی بورونلارا سورتولوردو.

اختر پولیس دایره‌سینه چاتماق همن کیشی‌لردن آیریلیب جنایی دایره‌یه گئتدی:

-‌ جناب یوزباشی اریمین باشینا نه بلا گلیب؟ کیم اؤلدوروب اونو، کیم بالالارینی یئتیم قویوب...

یوزباشی ماسانین آرخاسیندان چیخیب آددیم آتارکن دئدی:

" 42 یاشلی چال‌باش، احد قاسیملی سیزین ارینیزمی؟"

اختر گؤز یاشلارین تؤکه- تؤکه الینی باشینا چالاراق جاواب وئردی:

-‌ بلی... بلی... یازیق اولدوق آللاهیم...

- سیزین ارینیزی گؤی‌تپه‌ده تاپیب‌لار، باشیندا و اوره یینده ایکی گوللـه یئری واردیر. بیرینه شککینیز وارمی؟

اختر: نه دئییم .. هئچ کیمه شککیم گئتمیر.

بیرنئچه دقیقه دانیشاندان سونرا یوزباشی اخترله قونشولاری ائولرینه دؤنمه‌لرینی ایسته‌دی. آرا سس‌سیز اولوب یوزباشی اوتاغینا دؤندو.

یاریم ساعات سونرا: چاووش ایچه‌ری گیریب خبر گتیردی " جناب یوزباشی، قاتیلی توتوبلار".

یوزباشی: چوخ شوکور... دئیین گتیرسینلر بورا...

بیر نئچه دقیقه سونرا قاتیل آدینا توتولان اکبر ایچری‌یه گتیریلدی. اوجا بوی، 29-30 یاشلی و باش توکونو دیبدن قیساتمیش.

یوزباشی: سن احد آدیندا کیشی‌نی قتله یئتیریبسن؟

اکبر: بلی- گؤزونون ببه‌یینی اویموشام...

سونرا باشینی دیک توتوب لامپا ساری باخدی.

یوزباشی: نییه اؤلدوردون...

اکبر: آلتی آی بوندان قاباق قارداشیما تیریاک ساتیب تیریاکی ائله‌میشدی. ایندی قارداشیم شوشه‌یه دوشوب.

نئچه دفعه دئمیشدیم اونا... اویاری[هوشدار] وئرمیشدیم توبه ائله‌مه‌دی... سونوندا منده اونو اؤلدوردوم آیری جاوانلار آماندا قالسین...

یوزباشی، اکبرین دئدیکلرینی کاغیذا یازدیریب، امضا ایله بارماق‌ایزی آلاندان سونرا عسگره امر ائتدی: "گئجه نی حبس‌ده قالسین".

اختر له بالاجا قیزی گؤز یاشلاری ایله، گئجه‌نی گوندوزه باغلادیلار.

سحرچاغی، گئجه آیی دوستاق ائدن بولودلار، گونشی‌ده گیزلتدیلر.

ساعات صوبح آلتی‌نی گؤستریردی. عسگر، اکبر-ی چاغیرماق اوچون حبس اوتاغینا گئتدی. باجانی آچیب ایچه‌ری باخاندا گؤردویونو اینانمیردی. اکبر دیلینین آلتیندا گیزلتدیگی تیغه ایله شاه دامارین کسمیشدی. خالچانین اوستو اونون قانی ایله بویانمیشدی.

عسگر آغلایاراق: جناب یوزباشی...جناب یوزباشی... دئیه‌دئیه اورادان اوزاقلاشیب، اکبری یالنیز بیراخدی.



یازی تورو : اؤیكو (حیكایه) 

گؤندر - کلوب‌دات‌کام
یوروم یاز() 
شیرزاد
1393/04/11 17:14
əlbəttə çoxlu manaları bilmirəm ona görə oxumax da zor gəlir biləmə
شیرزاد
1393/04/11 17:07
Latin yazılanda oxuya bilirəm ama bucur yox
اوچ یاشینداکی قیزینی سوبانین یانیندا .....
جاواب admin :
شیرزاد
1393/04/11 16:49
salam
mən türkü oxuya bilmirəm
heş bilmədim mövzu nəmənəydir
جاواب admin : salam - siz maşşallah gözəl yazırsınız. oxumağada çalışın
rastegar
1393/04/9 11:46
سلاملار اولسون. حیکایه کی انلاتمیشدیز چوخ گوزلدی وجالب بیرحیکایه دی .الریینیزه ساغلیق .یولونوز آچیق اولسون
جاواب admin : سلام
چوخ ساغ اولون
مارال
1393/04/7 18:01
یاخشی ایدی آما کاش آدلاری تورکو اولاردی.
بیرده چوخ یاخشی ادیب سیز کی اورمو لهجه سی ایله یازماییب سیز .
جاواب admin :
ائلچی بئی
1393/04/6 09:56
سالاملار حوسین بئی نجه سیز اینجه لیک له آلتون خیراسی دوزموسوز هااااااااااا
جاواب admin : سلاملار / چوخ ساغ اولون عزیز ائلچی بئی
ائلی
1393/04/1 18:10
قتل نمنه دی؟ تؤره لی سؤزجوک تاپابیلمه دیز؟ لااقل یازایدیز قتیل!!!
جاواب admin : بو یازینین تام سورونو او سؤزجوکمو؟
zahra
1393/03/29 12:34
سلام دوست عزیز
چند تا پست جدید در خدمتم
جاواب admin :
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


Related Posts Plugin for WordPress, Blogger...