تبلیغات
◄███▓▒░░ -[ Xatirələr durağı ]- ░░▒▓███► - چاغداش حیکایه‌ چی‌ لرین وصیت‌ لری / حسین واحدی

خاطیره‌لر دوراغی (حیکایه‌لر)، حسین واحدی‌نین اؤزل بلوقو Hüseyn vahidi-nin özəl bloqu - Hekayələr

چاغداش حیکایه‌ چی‌ لرین وصیت‌ لری / حسین واحدی

یازار yazar :admin
تاریخ:1392/12/20-19:50

چاغداش حیکایه‌چی‌لرین وصیت‌لری

حاضیرلایان: حسین واحدی


اشاره:

بو یازی‌دا، سؤز دئیه‌ن یازیچی‌لارین، چوخو وروغولاییب لار "یازیچی‌لیق دونیاسیندا، حتمی بیر قایدا، اون ماده‌لیک بیر لؤوح، اؤزل بیر دوزوک [نظامنامه]، یئرین جاذبه قانونونا تای دییشیلمه‌ین بیر قانون،  یوخدور". دوغروسو، اونلاردان سوروشاندا "اصلینده، سیزین باشارینیزین سسببی نه ایدی؟"، وئره‌جکلری بیرینجی تپگی [عکس العمل] راحاتسیزلیق ایله دیسکینتی [اضطراب] ایدی. هم ان باشاریلی [موفقترین] همده ان باشاریسیز [ناموفقترین] یازیچی‌لار، نیگران اولوب، آرخایینسیزلیق [نامطمئن] حسی‌نی [دویغوسونو] تاپیبلار.

میثال اوچون، "کلایو بارکئر" یازیر: "باشاریلی [موفق] اولموشاما، اینانان گون، سانیرام [احتمال وئریرم] یازماقدان ال چکیب گئدم اینک یایام!".

باری لانگ یئر، اقرار ائدیر: "مینلرجه یانداشیم [طرفداریم] لا یازماغا یئنی باشلایانلار منی بوس-بوتون باشاریلی یازار سایاندا، اونلاردان آجیغیم گلیر. حس ائدیرم دونیانین ان گولمه‌لی آلدادیجی‌سییام [شیادییام].

البته بعضی یازیچی‌لار ایسه باشاریلی کلمه‌سینه دیلله‌نیرلر [اعتراض ائدیرلر]. اونلار، اؤز اینجه‌صنعت‌ [هنر] سیرلارینی و اصول‌لارینی باشقالارینین گؤزوندن گیزلتمک مقصدی ایله یوخ، بلکه اونلارین چوخونون باخیشیندا، یازیچی‌لیغین بوتون و ساقینجا [جامع و مانع] شیفره‌لری [رمز لری] یوخدور.

اول ده چوخلو یازیچی‌لار دئییردیرلر، بو سؤالا جاواب وئرمک اولماز، آنجاق سونوندا هامیسی اونا جاواب وئردیلر. اونلارین هر بیری یاخشی بیر نکته‌لر و اؤیودلر [نصیحت لر] دیله گتیریبلر. آما هر کیمسه‌نین باشاری [موفقیت] شیفره‌سی اؤزونه اؤزل دیر [خاص دیر] و اولا بیلسین، بو اؤیودلرین بیری سیزین ایشینیزه یارارلی [فایدالی] اولسون.

میلتون لوماسک(Milton Lomask):

یادینیزدا اولسون، یازیچی‌لیغین بللی بیر چه‌می (شیوه‌سی) یوخدور. هر نه‌دیر سیزین چه‌مینیزدیر، تامام.

آلفرئد برئننئر(Alfred Brenner):

هر جوره اؤن‌یارقی‌نی [پیش داوری نی] قیراغا قویوب، هر نه‌دن باش چیخاردین، هر نه‌یی تجروبه ائدین و البته یازین. یازیچی‌لیغین هر نه‌یی یازماقدا اؤزتله‌نیز (خلاصه اولور).

روزماری دانی‌یئل:(Rosemary Daniell)

  هئچواخت اؤزونو، باشقالاری ایله توتوشدورما [مقایسه ائتمه]، دئمیرم، ایسته‌یه‌سن اونلاردان بیرزاد اؤیرنه‌سن. چالیش، داییمن اؤزونله رقابت‌ ده اولاسان، اوندا همیشه ایشله‌رین ان اوستون [اعلا/عالی] درجه‌ده قوجلو و قوتلى اولار. (من اوستون سؤزونو اوتاغیمدا اولان بیلدیریش تابلوسونا یازمیشام).

فرانک بئل‌نئپ‌لانگ(Frank Belknaplong):

یادینیزدا اولسون، یازیچی‌لیق دا، باشاری‌یا [موفقیته] چاتماغا چوخلو یوللار وار. روحسال [پیسکولوژى] ندن‌لره گؤره یاخشی دئییل بیر یازیچی همیشه اؤز ایش چه‌مینی [شیوه‌سینی] آغیرلاییب [تمجید ائدیب] و باشقالارین ایش گئدیش [روش] لرینی پیسله‌سین [تقبیح ائتسین].

ل.اسپرینگ دوکمپ(L. Sprangur de Camp):

یازیچی‌نین [اؤزنه‌لی] ذاتی یئته‌نه‌گه [استعداد-ا] و چوخلو بدن گوجونه احتیاجی وار (بونا گؤره، گه‌ره‌ک، دوزه‌نلی [منظم] یئمه‌ک برنامه‌سی اولوب، ایدمان ائتسین). گه‌ره‌کلی‌‌دیر،  فنره تای اولسون، اوندا ییخیجی [ویرانگر] اومیدسیزلیک لرله، عاجیزلیک‌لردن سونرا، یئیین [سریع] دؤنوشوم [جهش] ایله ایلکین [اولیه] بالانس دورومونا قاییدا بیله‌ر.

جه‌کی کالینز(Jackie Collins):

چوخ یازماق گه‌ره‌کلی‌دیر. چوخلاری، یازماغین فقط سؤزونو دانیشیرلار. آنجاق باشاری‌نین شیفره‌سی یازماق‌دادیر، دانیشماق ‌یوخ.

کارولین شوت(Carolyn Chute):

هر بیر کیتابین اوستونده، اون ایل، اودا، هرگون اون‌بیر ساعات و هفته‌ده یئددی گون چالیشاسینیزسا، باشاریلی اولمانیز مومکوندور. البته هر کیتاب یئنی بیر سیناودیر [امتحان دیر]. سیزین ایلک کیتابینیز، باشاریلی بیر کیتاب اولوبدورسا، هئچ بیر قارانتی یوخدور او بیری کیتابینیزدا حتمن باشاری الده ائتسین. اینجه‌صنعت اثر، ساده و آیدین دیلده، یعنی بو. بو آرادا، که‌سه یول دا یوخدور.

قرئقوری مک‌دونالد(Gregory Mcdonald):

تجروبه‌لرینله، محبت، دوشونجه و جیسمینین قاریش-قاریشیندان فایدالان، اوره‌کلی اول.

فیلیس ویت‌نئی(Phyllis Whitney):

یازیچی اولماغا، فقط بیرجه برک بیر سبب وار، اودا چاره‌سیزلیک. بیزیم هامیمیز سئویریک یاشاییش دا، باشاریلی، وارلی و آدلیم اولاق، آنجاق بونلار هدف اولورسا، آزمیشیق. من ایلک دن، یعنی ایگیرمی-اوتوز یاشیم اولاندا، ایسته‌مه‌ییردیم آدلی-سانلی اولام، موفقیت الده ائده‌م. بلکه فقط ایسته‌ییردیم یئته‌رلی‌جه پول چیخاردیب، ائده بیله‌م ائوده اوتوروب، پئشه‌کار یازارلارا تای، منده صوبح‌‌لری فقط حیکایه یازام. البته باشقا ساعتلاردا ایسه حیاتیمین خرجینی تامین ائدردیم (مثال اوچون، کتاب باخیلیشی [بررسی-سی] یازاردیم، چیخیش [سخنرانی] ائدردیم، مختلف آداملارین ال یازمالارینی اوخویاردیم، یازیچی‌لیق درسی وئرردیم، مقاله یازاردیم و...). دوغروسو، بوگونکو کیمی، واختیمین هامیسینی حیکیه یازماق لا کئچیرمه‌یه یئتیشمک اوچون، ایللر کئچدی.

کورت ووننئقوت(Kurt Vonnegut):

ادبیات قولوندا[رشته سینده] درس بیتیرمه‌‌دیگیم، منیم موفقیتیمین ندنی ایدی، من شیمی اوخودوم همده یازیچی‌لیق ائتدیم. یاخشی زادلاردا یازاردیم. ادبیات اوخوسایدیم سا، اوستاد قیسا حیکایه‌له‌ریمه باخیب، یئته‌نه‌گیمه گؤره منی تعریف‌ ائدیب، آغیرلاجاق ایدی، سونرا دا، منه اؤیره‌ده‌جگ ایدی، هئمینقوئی له جویس کیمی یازارلارا تای، قیسا حیکایه‌نین ائلئمئنت‌لرینی [عنصرلارینی] نئجه ایشله‌دم. دئمک اولار، چالیشاجاق ایدی من، او دؤورون بؤیوک یازیچی‌لاری ایله رقابت ائدم، سونرادا منیم یازیچیلیغیمین فاتحه‌سی اوخوناجاق ایدی.

یازار، بوخونسال ایشلر [ کار بدنی] ائتمه‌دیگی اوچون، یازیچی‌چیلیق بوخونو [بدنی] یورور. هئچ کیمسه ده کؤنول ایله سئومیر ساعاتلارجا، حرکت سیز اولاراق، بیر یئرده اوتورسون.

یازیچی یازماق اوچون باشقالاریندان اوزاق قالماغا زوردا قالدیغی اوچون، روحودا اوزور [کئفسیز ائدیر]. هر حالدا هئچ کیمسه سئومیر اوزون بیر چاغدا یالنیز قالسین.

جان جه‌کس(John Jakes):

یازیچی لارین موفق اولمالاریندا، بؤیوک و کنترل‌دان اوزاق بیر ندن وار، اودا شانس دیر.

جو قورئس(Joe Gores):

اوخو، یاز و یئنی دن یاز. بو اوچ ایشی چیمچه‌شه‌نه دک ائدین. سونرا یئنه بیرآز چوخ.

لاری ل. کینگ(Larry L. king):

هر دفعه، بیر گوندن چوخ، بیرزاددان راضی قالما.

ویلیام وارتون(William Wharton):

یاز، باشقالاری لذت آپارسین. یاز، باشقالارینین دوشونجه‌سینده پایین اولسون. یاز، باشقالارینین دویغولاریندا [حس لرینده] اورتاق [شریک] اولاسان.

کارلین کوئن(Karleen Koen):

اؤزونه، یازیچی‌لیق تئکنیکی ایله اوخوجولارینا، حؤرمت ساخلا.

مارتا راندال(Marta Randall):

همیشه، هر نه‌یه دقت ائت. جانلی، دوغرو و غیر-ی حیکایه شخص لرین، داورانیش لارینا، ایشلرینه و... دقت یئتیرمه‌سن، دوغرو، جانلی و حیکایه‌‌جیل شخص لر یارادا بیلمه‌سن. گؤر، جاماعت نئجه یول گئدیرلر، دانیشیرلار، اوخویورلار، بیرزاد یئییرلر، اویناییرلار، یاتیرلار، قاش-قاباق ساللاییرلار، دیل ایله سانجیرلار، شادلیق ائدیرلر، داوا ائدیرلر، آغلاییرلار. گؤر نه ایسته‌ییرلر و اونا یئتیشمک اوچون نه‌لر ائدیرلر.

اؤز ایچینی ده اینجه‌له. یازارین مختلف فیکیرلری، محبت لری، هوس لری، کؤمک ائدیر، شخصیت لرینین فیکیرلرینی، محبت لرینی و هوس لرینی دوزگون آچیقلاسین.

راجئر زئلانزی(Roger Zelanzy):

چالیش هرگون بیرزاد یازاسان.

آندره دوبوس(Andre Dubus):

تسلیم اولما. اولار چوخ راحات همن ایلک اون ایلده یازیچی‌لیقدان ال چکه‌سن. بو ایللرده باشقالارینا مهم دئییل سیز یازیچی‌سینیز یوخسا یوخ. بیری ده آدامینی ایشینه اؤنم [اهمیت] وئرمه‌ینده الی قلمه آپارماق راحات اولمور. یازماسان، چیخا بیلمه‌سن. یازسان سا، بعضن اؤدول [جایزه/پاداش] آلمایاجاقسان، آما اگیلمه [تسلیم اولما].

نانسی پارکئر( Nancy Parker):

اوْتورما، گله‌جک‌ده نه یازاجاغینی دوشون. یاز. لاپ ایندی.

باب قرین(Bob Greene):

یازماغی سحر‌یئمه‌یینی یئمه‌دن اؤنجه باشلا.

جک بیکهام(Jack Bickham):

من بیلیردیم باشقالارینین تجروبه‌لری ایله یئته‌نکلری مندن داها چوخدور. ایشیمده توتارلی [قرارلی/ثابت قدم] اولماسایدیم اودوزماغا محکوم ایدیم. بونا گؤره همیشه، باشدان آیاغا قولاق اولوب، برک چالیشاردیم.

فرانک دئفورد(Frank Deford):

هر زامان موفق بیر یازیچی اولدوغونو دوشوندون، بیل کی اولماییبسان.

آن مکافری(Anne Mccaffrey):

منه حیکایه دئ. چالیشما، بزنمیش کلمه‌لرو عیبارت لرله منده اثر قویاسان. بیرینجی درجه‌ده منه حیکایه دئ.

جف گرین فیلد((Jeff Green Field:

اؤزونون اؤزل [خاص] سسینی تاپ. چالیشما هئمینقوئی، اوسکار ویلد، یادا، ورجینیا وولف، اولاسان.

***

آچیقلاما:

بو یازی اؤزت دیر و یازینین هامیسینی اوخوماق اوچون قایناغی اوخومالیسینیز.

قایناق:

فن داستان نویسی – بو بؤلومو توپلایان: بیل استریکلند – فارسجا چئویرمه: محسن سلیمانی



یازی تورو : اؤیكو (حیكایه) 

گؤندر - کلوب‌دات‌کام
باخیشلارینیز() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


Related Posts Plugin for WordPress, Blogger...